ಹಿಂದೂಸ್ತಾನ್ ಪೆಟ್ರೋಲಿಯಂ ಕಾರ್ಪೊರೇಶನ್ ಲಿಮಿಟೆಡ್ (HPCL) ಮಂಗಳೂರು ವಿಭಾಗದ ಹಿರಿಯ ಅಧಿಕಾರಿ ಶ್ರೀ ನವೀನ್ ಕುಮಾರ್ ಎಂ.ಜಿ ಅವರು ಕಳೆದ ನಾಲ್ಕು ವರ್ಷಗಳಿಂದ ಮೈಸೂರು, ಕೊಡಗು, ದಕ್ಷಿಣ ಕನ್ನಡ, ಹಾಸನ, ಉತ್ತರ ಕನ್ನಡ, ಚಿಕ್ಕಮಗಳೂರು ಹಾಗೂ ಶಿವಮೊಗ್ಗ ಜಿಲ್ಲೆಗಳನ್ನೊಳಗೊಂಡ ಮಂಗಳೂರು ಪ್ರಾದೇಶಿಕ ವಿಭಾಗದ ಸಂಪೂರ್ಣ ಜವಾಬ್ದಾರಿಯನ್ನು ಸಮರ್ಪಕವಾಗಿ ನಿರ್ವಹಿಸಿ ಇದೀಗ ಕೊಚ್ಚಿಗೆ ವರ್ಗಾವಣೆಯಾಗಿರುವ ಹಿನ್ನೆಲೆಯಲ್ಲಿ ಅವರಿಗೆ ಬೀಳ್ಕೊಡುಗೆ ಸಮಾರಂಭವನ್ನು ಏಪ್ರಿಲ್ 9, 2026ರಂದು ಯೆಕ್ಕೂರಿನ ಎ.ಜೆ. ಎಲೈಟ್ ಹೋಟೆಲ್ನಲ್ಲಿ ಆಯೋಜಿಸಲಾಯಿತು.
ಈ ಕಾರ್ಯಕ್ರಮದಲ್ಲಿ HPCL MACO ಸೊಸೈಟಿ ಪೆಟ್ರೋಲ್ ಪಂಪ್ನ ಅಧ್ಯಕ್ಷರು ಹಾಗೂ ವಿಧಾನ ಪರಿಷತ್ ಸದಸ್ಯರಾದ ಐವನ್ ಡಿಸೋಜಾ ಮುಖ್ಯ ಅತಿಥಿಯಾಗಿ ಭಾಗವಹಿಸಿ ನವೀನ್ ಕುಮಾರ್ ಅವರ ಸೇವೆಯನ್ನು ಶ್ಲಾಘಿಸಿದರು.
ಈ ಸಂದರ್ಭದಲ್ಲಿ HPCL ಮಂಗಳೂರು ಟರ್ಮಿನಲ್ನ ಡಿಜಿಎಂ ಅನಿಲ್ ಕೌಶಿಕ್, ಮಂಗಳೂರು ಸೇಲ್ಸ್ ಅಧಿಕಾರಿ ಇಶಿತಾ ಗರ್ಗ್, ಉಡುಪಿ ಸೇಲ್ಸ್ ಅಧಿಕಾರಿ ಅನುಷ್ ಲಾಲ್, ಪ್ಲಾನಿಂಗ್ ಮ್ಯಾನೇಜರ್ ರಾಜೇಂದ್ರ, MIS ಮ್ಯಾನೇಜರ್ ದಿನೇಶ್ ಬಂಗೇರ ಉಪಸ್ಥಿತರಿದ್ದರು. ನಿವೃತ್ತ HPCL ಅಧಿಕಾರಿಗಳಾದ ವಸಂತ ರೈ ಮತ್ತು ಪ್ರಕಾಶ್ ಪುತ್ತೂರು ಸಹ ಭಾಗವಹಿಸಿದ್ದರು.
ಅಖಿಲ ಭಾರತ ಪೆಟ್ರೋಲಿಯಂ ಒಕ್ಕೂಟದ ಕಾರ್ಯದರ್ಶಿ ವಿಶ್ವಾಸ್ ಶೆಣೈ, ದಕ್ಷಿಣ ಕನ್ನಡ-ಉಡುಪಿ ಜಿಲ್ಲಾ ಪೆಟ್ರೋಲಿಯಂ ಸಂಘದ ಮಾಜಿ ಅಧ್ಯಕ್ಷ ಸತೀಶ್ ಕಾಮತ್, ಮಾಜಿ ಕಾರ್ಯದರ್ಶಿ ಸುಧೀರ್ ಭಟ್, ಪ್ರಸ್ತುತ ಖಜಾಂಚಿ ಪ್ರಕಾಶ್ ಶೆಣೈ, ರಾಜ್ಯ ಪೆಟ್ರೋಲಿಯಂ ಒಕ್ಕೂಟದ ಮುರಳೀಧರ ಪ್ರಭು, ಮಾಜಿ ಡೀಲರ್ ಪದ್ಮನಾಭ ಪೈ ಹಾಗೂ ಇತರ ಡೀಲರ್ಗಳು ಸೇರಿ ನವೀನ್ ಕುಮಾರ್ ಅವರಿಗೆ ಯೋಗ್ಯವಾದ ಗೌರವ ಸಲ್ಲಿಸಿದರು.
ಚಿಕ್ಕಮಗಳೂರು, ಕಡೂರು, ಶ್ರೀಂಗೇರಿ ಹಾಗೂ ಮಲೆನಾಡು ಪರಿಸರದ ಅನೇಕ ಡೀಲರ್ಗಳು ಸಹ ಕಾರ್ಯಕ್ರಮದಲ್ಲಿ ಭಾಗವಹಿಸಿದರು.
