ಉಪ್ಪಳದಲ್ಲಿ ಭಾರೀ ದರೋಡೆ; ಎಟಿಎಂಗೆ ಹಣ ತುಂಬಲು ತಂದಿದ್ದ ವ್ಯಾನಿನ ಗಾಜು ಒಡೆದು 50 ಲಕ್ಷ ರೂ ಲೂಟಿ

ಕಾಸರಗೋಡು: ಎಟಿಎಂಗೆ ಹಣ ತುಂಬಲು ತಂದಿದ್ದ ವ್ಯಾನಿನ ಗಾಜು ಒಡೆದು ನೋಟು ಬಾಕ್ಸ್ ಕಳವು ಮಾಡಲಾಗಿದೆ. 50 ಲಕ್ಷ ಮೌಲ್ಯದ ಪೆಟ್ಟಿಗೆಯನ್ನು ದರೋಡೆ ಮಾಡಲಾಗಿದೆ. ಬುಧವಾರ ಎರಡು ಗಂಟೆ ಸುಮಾರಿಗೆ ಈ ಘಟನೆ ನಡೆದಿದೆ. ಉಪ್ಪಳದ ಆಕ್ಸಿಸ್ ಬ್ಯಾಂಕ್ ನ ಎಟಿಎಂ ಯಂತ್ರಕ್ಕೆ ನೋಟು ತುಂಬುತ್ತಿದ್ದಾಗ ದರೋಡೆ ನಡೆದಿದೆ. ಬ್ಯಾಂಕ್ ನೌಕರರು ಎಟಿಎಂ ಮುಂದೆ ನೋಟು ಪೆಟ್ಟಿಗೆಗಳನ್ನು ಸಾಗಿಸುತ್ತಿದ್ದ ವ್ಯಾನ್ ಅನ್ನು ನಿಲ್ಲಿಸಿ ನಂತರ ಎಟಿಎಂ ಕೌಂಟರ್ ಪ್ರವೇಶಿಸಿ ಎಟಿಎಂ ಬಾಕ್ಸ್ ವ್ಯವಸ್ಥೆ ಮಾಡಿದ ಘಟನೆ ನಡೆದಿದೆ ಎನ್ನಲಾಗಿದೆ.

ಕೌಂಟರ್ ತುಂಬಲು ನೋಟುಗಳಿದ್ದ ಬಾಕ್ಸ್ ತೆಗೆದುಕೊಂಡು ಹೋಗಲು ಮುಂದಾದಾಗ ವ್ಯಾನಿನ ಕಿಟಕಿ ಒಡೆದು ನೋಟುಗಳಿದ್ದ ಬಾಕ್ಸ್ ಕಳ್ಳತನವಾಗಿದೆ. ಪೊಲೀಸ್ ಭದ್ರತೆ ಇಲ್ಲದೇ ಹಣದೊಂದಿಗೆ ವ್ಯಾನ್ ಬಂದಿತ್ತು. ಮಂಜೇಶ್ವರ ಪೊಲೀಸರು ತೀವ್ರ ತನಿಖೆ ಆರಂಭಿಸಿದ್ದಾರೆ.